Ina ji dake nidai masoyiya
Ni din naki ne a fili har a zuciya
Ina ji da kai nima masoyi na
Ni din taka ce a fili har da zuciya
Daga kallon farko, kika sacen zuciya
Kyakkyawa kin kai mai kyawun idaniya
Zuciya ta kin kama, kinji gimbiya
Duk na rasa natsuwa da ganin ki zinariya
Ai zan iya shafe awanni
Koko tsawon makonnai
Bazan gaji ba wajen kallon kyakkyawar fuskar ki
Komai na yo silar so ni ban fadi ba
Zana baka kulawa kar kayi fargaba
Kuma ka zamto mahadi na jini
Ban iya rayuwa bakai
A zuciya tuntuni kayi gini
Bamai iya shiga sai kai
Kaine dai duk tsanani
Har dangi nawa sun shaida
Cikin barci na da zahiri, sunan ka nake ta furtawa
Kece farko na, alaman furtawa
Son ki na a raina, har abada bai gogewa
Kulawa da so, ke dai ce za nayi nunawa
Tunda kinka aminta dani ban bari kiyi kukawa
Tabbas ni mai son ki ne, ko'a ina zan bayyana
Kyawun yaba kyauta tukwici karbi zuciya
Ni zana bika duk inda zaka kaini na shirya
Komai zaku ce akan shi naji bani nuna alkunya
Kawaye na ku min murna
Na samo mijin aure
Gidan sa kadai nake fata
Dangi zaku min jere
Ka zama uba ga 'ya'ya na
Komai za zanyi muyi tare
Kace min sweety na
Niko in ce, "Maka baby na"
