Top Songs By Faiz Ahmed Faiz
Credits
PERFORMING ARTISTS
Faiz Ahmed Faiz
Performer
COMPOSITION & LYRICS
Faiz Ahmed Faiz
Songwriter
Lyrics
چین کا سفر نامہ
پیکنگ
یوں گماں ہوتا ہے بازو ہیں مرے ساتھ کروڑ
اور آفاق کی حد تک مرے تن کی حد ہے
دل مرا کوہ و دمن دشت و چمن کی حد ہے
میرے کیسے میں ہے راتوں کا سیہ فام جلال
میرے ہاتھوں میں ہے صبحوں کی عنان گلگوں
میری آغوش میں پلتی ہے خدائی ساری
میرے مقدور میں ہے معجزۂ کن فیکوں
سنکیانگ
اب کوئی طبل بجے گا نہ کوئی شاہ سوار
صبح دم موت کی وادی کو روانہ ہوگا!
اب کوئی جنگ نہ ہوگی نہ کبھی رات گئے
خون کی آگ کو اشکوں سے بجھانا ہوگا
کوئی دل دھڑکے گا شب بھر نہ کسی آنگن میں
وہم منحوس پرندے کی طرح آئے گا
سہم خونخوار درندے کی طرح آئے گا
اب کوئی جنگ نہ ہوگی مے و ساغر لاؤ
خوں لٹانا نہ کبھی اشک بہانا ہوگا
اب کوئی جنگ نہ ہوگی مے و ساغر لاؤ
خوں لٹانا نہ کبھی اشک بہانا ہوگا
ساقیا! رقص کوئی رقص صبا کی صورت
مطربا! کوئی غزل رنگ حنا کی صورت
Writer(s): Faiz Ahmed Faiz
Lyrics powered by www.musixmatch.com