Wenn ig am sächsi im Verchehr
Bim Loeb am Egge schtah,
De chunnt am zäh ab dür dä Schtoub
E Duft nach Schoggola.
Mys Käthi schmöckt nach Schoggola,
Es schafft bim Tobler z Bärn;
U mängisch byss' is eifach aa,
So han i ds Käthi gärn.
S'isch my Toblerone,
Und eis möcht i betone:
I liebe ds Käthi no vil meh,
Als tüüri Pralinee.
Nach "Chanel 5" schmöckt mängi Frou,
Nach "Tabou" und "Arpège".
Mys Kätheli, das schmöcksch den ou,
Scho lang, bevor des gsehsch.
Mys Käthi schmöckt nach Schoggola,
Es schafft bim Tobler z Bärn;
U mängisch byss' is eifach aa,
So han i ds Käthi gärn.
S'isch my Toblerone,
Und eis möcht i betone:
I liebe ds Käthi no vil meh,
Als tüüri Pralinee.
Mys Käthi isch e Sonderfall,
Wis gar ke zwöite git:
Bi ihm gnüegt schon en Atezug,
De hät men Appetit.
Mys Käthi schmöckt nach Schoggola,
Es schafft bim Tobler z Bärn;
U mängisch byss' is eifach aa,
So han i ds Käthi gärn.
S'isch my Toblerone,
Und eis möcht i betone:
I liebe ds Käthi no vil meh,
Als tüüri Pralinee.
Aber ds Schönschte chunnt itz no:
Am Samschtig znacht im Bett -
Tröim i vo heissem Cacao,
Wo sys Aroma het.
Mys Käthi schmöckt nach Schoggola,
Es schafft bim Tobler z Bärn;
U mängisch byss' is eifach aa,
So han i ds Käthi gärn.
S'isch my Toblerone,
Und eis möcht i betone:
I liebe ds Käthi no vil meh,
Als tüüri Pralinee.
Als tüüri Pralinee!
