Ya Mama Khalini Nroh

(yeeah aah)هادي فواياجا فواياجا لسردينيا (Grib rohna grib ghra9naa)أرواح نحكيلك قريب لا رحنا فاها (cheft lmout b 3ayniya)سترنا ربي بعينينا شفنا الموت (aaah rabbi m3enaa)يوكلني الدود ما ياكلنيش الحوت البيبان مقفولة و الدعوة مهلوكة قلت ما تفكها غير الهربة فالفلوكة مالا تلمينا في 10 مالناس شرينا فلوكة موتور و جي بي اس خيرنا الريسك خطراك كل تريست فويسك عايشين فالهم تع لا بيست مالا بعيد عالبلاج و بعيد على الكاب تلاقينا وحد العشيا كل في واد بقرات فالفلوكة قعدنا فاس آ فاس لبعضانا لبادن تع الزيت ولي كابا و الماكلة معانا كي سخن الموتور البرد كان في قلبي في وذني يما تعيط ولدي ولي ندمت بصح وشيا الفلوكة مشات فكرتني وش قاسيت في هاذي الحياة فكرتني فالديبلوم لي عمري ما خدمت بيه معلق فالحيط نبكي كي نشوف ليه تفكرت الفقر الشوفات و التحراق قلت كون نقعد هنا نولي سراق فالفلوكة قريت وش نعرف مالقرآن نسيت شويا من همي و نسيت اللي كان Eviil GoOn (yeeah aah)هادي فواياجا فواياجا لسردينيا (Grib rohna grib ghra9naa)أرواح نحكيلك قريب لا رحنا فاها (cheft lmout b 3ayniya)سترنا ربي بعينينا شفنا الموت (aaah rabbi m3enaa)يوكلني الدود ما ياكلنيش الحوت سوايع نحكيلك آبري ديماراج البحر كان كالم زيت مبعد هاج لي فاق دارو بينا أم معولين علينا مسكينة السفينة ما لقاتش وش دير بينا أسكو نبكيو علاها ولا هي لي تبكي علينا نحكيلك الموت شفناها ما بين عينينا الماء دخل للفلوكة خرجناه بالبيدون حبس الجي بي اس و حبس التيليفون لي كنا هاربين منهم تمنيت يحكمونا الناس بصواردنا للموت بعتونا لتم عرفت روحي ميت و قلت عمري راح تفكرت والديا و طلبت منهم السماح المزية ربي سبحانو ما نساناش دعاوي الوالدين وصلو بلا جي بي اس شافنا بابور جاي من بعيد فرحنا و عيطنا قلنا ايسبوار جديد رجعت فينا الروح طلعونا وكلونا غطاونا و داواونا لسردينيا وصلونا فرحان بصح ماني فاهم والو أرواح نحكيلك أ صحيبي فينا وش دارو (yeeah aah)هادي فواياجا فواياجا لسردينيا (Grib rohna grib ghra9naa)أرواح نحكيلك قريب لا رحنا فاها (cheft lmout b 3ayniya)سترنا ربي بعينينا شفنا الموت (aaah rabbi m3enaa)يوكلني الدود ما ياكلنيش الحوت غسلونا كيما يتغسل قش البالة بكيت على ولد بلادي في هاذي الحالة ربطونا كي لغنم و داونا للسنطر ابكي يا يوغرطة ابكي أ عنتر بورتون أني جزايري و قلبي حار معرفتش كيفاه رميت روحي فالنار يقولو عليا حراق و انا هو المحروق يفهمني غير لي يجرب كيفي أنا و يدوق عداو 10 أيام فالسونطر تقول 10 سنين فالبلاد حطونا في عداد المفقودين والدينا مشهم عارفين ميتين ولا حيين أكثر من حريقة الميت حريقة الغايبين جانا طلياني يحكي معانا ب لي جاتس يهدر من بعيد تقول خايف مالاباست لتما فهمت بلي ديسيداو يصرفونا لمونا كي الباغاج به لبلادنا يرجعونا حنا كيما كا الحمد لله رانا منعنا شوف لي ماتو مساكن و حياتهم فضت بلا معنى الأم لي تسنا في ولدها و الحوت كلاه يا جان لاكان دياقت عليك أرجع لله (yeeah aah)هادي فواياجا فواياجا لسردينيا (Grib rohna grib ghra9naa)أرواح نحكيلك قريب لا رحنا فاها (cheft lmout b 3ayniya)سترنا ربي بعينينا شفنا الموت (aaah rabbi m3enaa)يوكلني الدود ما ياكلنيش الحوت