Si senti chjuccà la frusta
È batta li sunaglieri
Rientrinu da furesta
Muli rossi bianchi è neri
So Sicondi è Ghjuvanbattista
D'Ulmetu li mulatteri
La prima fala Falchetta
Soca la mula di guida
Appressu veni Culombu
Siguitatu da Pulina
Rusetta, Corsa cun Bimba
È pò Zeffiru incù Ninna
Falchetta si poni in piazza
Tempu arrivata in furesta
Insumata à l'istanti
Eppo ripidda la testa,
Aspittendu li cumpagni
Si qualchid'unu s'arresta
È li bravi mulatteri
Ni ripartinu à l'affretta
Sena mancu troppu tempu
D'accenda la sigaretta
Parchi ci hè lu scarrichinu
In marina chì l'aspetta
Ghjuvanbattista per istrada
Surveglia sempri li muli
Sè li so somi sò pari
S'eddi sò strinti li funi
Sicondi da lu so cantu
Ni faci anch'eddu altru è tantu
À vedaci o cari amichi
Cantanu li mulatteri
Chi malgratu la fatica
Partimu mal vulintieri
Parchi seti brava ghjenti
Corsi fidi è po sinceri
Passaremu par Maratu
È la bocca di Cilaccia
Ma rientrendu in Ulmetu
Emu da fistà l'arrivata!
Muli com'è mulatteri
L'emu troppu disbitata!
