I de Muure vo mim Zimmer
Unger hundert Lage Zyt
Ligt so wi Schimmu no di Stimmig
Vo däm Büro wos mau gsi isch
Wo me büglet het, für Nonsenseprodukt
Bis de irgendeinisch d Lüt heit gseit
Es Callcenter, bruucht niemer
Ds isch ds Chärnstück vom subere Kreislouf
Dr Roboter wo z Fäud pflüegt
Isch usemne Gwehr bout
U nachem guete Läbe
Wo me nüt würd angers mache
Macht dr Tod eim nümme Angscht
Me darf sech glücklech la umarme
Geit ds no lang?
I wott hei, aber dräii mi im Kreis
Wenn hört ds uf?
Ke Geduud, Fingernegu uf Nuu
Geit ds no lang?
Status Quo, Uhre ticke im Ohr
Wenn hört ds uf?
Immer gliich, hie bini scho mau gsi
Was, wes so blibt?
2020er Mottoparty im Dachstock
Aui gö aus Arschloch, i gloube ds passt scho
Nütmeh im Momänt isch vom usstärbe bedroht
Di wachsende Gletscher, vo Iisbäre bewohnt
Nei, hei nid aues glöst, aber wärde mr no
Faschismus het uf jede fau scho Ärde-verbot
Es git keni Ratte uf däm nid sinkende Schiff
Aues ussert Liebeschummer heimr im Griff
O wes düschter usgseht
Waagi ä Versuech meh
Z Grundgfüuh isch Buuchweh
Doch i cha nid angers, gloub mer
Zwöi Minute warte scho gsehsch
Mini Bei am zabblä so aus
Würde si grad Gabber lose
Geit ds no lang?
I wott hei, aber dräii mi im Kreis
Wenn hört ds uf?
Ke Geduud, Fingernegu uf Nuu
Geit ds no lang?
Status Quo, Uhre ticke im Ohr
Wenn hört ds uf?
Immer gliich, hie bini scho mau gsi
Was, wes so blibt?
