Top Songs By Herman Medrano
Credits
PERFORMING ARTISTS
Herman Medrano
Performer
COMPOSITION & LYRICS
Loic Gonzalez
Composer
Ermanno Menegazzo
Songwriter
Lyrics
Go fato un pato col diávoeo, zio ken
Ghe go dato l'ánema e un bilico de brufen
Stago ben, no benin, de sicuro mejo de chi
Dorme col taquin e pistoea soto el cussìn
Mi vegno dai vinili, discoteche e mixtape
E desso che xe tuto hype, hate e fake
Magno schifo e lo rispùo che ve serve do onbrèe
Digerisso idee, cago rime a cassèe
Oci dosso, ogni discorso se fa grosso
Fasso el conto ma col tenpo so in rosso
Pare senpre un poro stronso queo che riva pa secondo
No ne restarà el ricordo so sto mondo mezo sordo
Mi no rivo e se savevo gnanca no partivo
No te digo quanto rido ma sta gara a fare el divo
Fa xa schifo cussì, cossa vuto che ghe spera
Gavesse dito naltra meza sarìa in gaèra
Te pensavi al to futuro massa beissimo
Fa, briga, investi in testa xe fighissimo
Podèvito sbagliare? Te si sta atentissimo
Savèndo come fare, fato gnente ma benissimo
Benissimo, el to futuro xe beissimo
Benissimo, mi, mi so contentissimo
Benissimo, xe un mondo perfettissimo
Benissimo, va tuto ben benissimo
Da fora pare senpre tuto beo, beo
Nissuni che ga scrito "mi te ciávo" so un cartèo
A xente ga idee, tante e beissime
Tuto fàssie, ma i trova mie fisime
Mi me dago na mossa, tiro fora a forsa
Anca quando a vita intiera pare me afossa
Mezanote co a freve, fasso fren a man so a neve
Col finestrìn verto fin che sigo: ma ciavève
So na persona libera ma no so quanto resisto
Dentro a vostra testa, me manda chi l'ha visto
Infastidisso come el grinch e un motivo ghe xe
Salto fora soto Nadàe come Maicol Bublè
E sensa un parchè pa ogni sogno nel casseto
Ghe ne go naltri dieze butài sol cassoneto
E desso ancora fasso ogni roba che me atira
Ti te resti so e spine, mi so e spine dea bira
Te pensavi al to futuro massa beissimo
Fa, briga, investi in testa xe fighissimo
Podèvito sbagliare? Te si sta atentissimo
Savèndo come fare, fato gnente ma benissimo
Benissimo, el to futuro xe beissimo
Benissimo, mi, mi so contentissimo
Benissimo, xe un mondo perfettissimo
Benissimo, va tuto ben benissimo
Benissimo, e desso cossa che se fa?
Ghemo boce incassà pa come assemo a società
Ma tanti se inbànboea, quanti che bàgoea
Voe vite da fàvoea, no cartongesso e spàtoea
Chi rajona co i slogan xe xa mezo ciavà
Sensa pensiero divergente distante no se va
Sensa testa no te camìni, no te cori, no te noi
Xe a stajon dei fajani e me sa che gnanca te svòi
Te pensavi al to futuro massa beissimo
Fa, briga, investi in testa xe fighissimo
Podèvito sbagliare? Te si sta atentissimo
Savèndo come fare, fato gnente ma benissimo
Benissimo, el to futuro xe beissimo
Benissimo, mi, mi so contentissimo
Benissimo, xe un mondo perfettissimo
Benissimo, va tuto ben benissimo
Writer(s): Ermanno Menegazzo, Loic Gonzalez
Lyrics powered by www.musixmatch.com