تبي تتركني اتركني . تأكد اني ما ح أزعل
و لا اسأل وش تفاصيل ، البعاد وطوله ونوعه
و لكن قول انا ماشي!!
ترى بعض الوداع اجمل .
من هروب الحبيب اللي ترك له ناس موجوعه
إذا حبي مايعني لك اكيد إن الفراق أفضل
و إذا عيني بتبكي لك اكيد العين مخدوعه
و إذا أنت اللي بتتركني ولا احد ٍ جابرك ترحل
حرام اتظايق وأشقى على اللي رايح بطوعه
انا ماقول لك بنسى ولكن مستحيل اسأل
ابحبس أصغر أنفاسي لو الهمسات مسموعه
أنا بتذكر أيامك ولا انسى حلمي الأول
بتبقى صورتك عندي بوسط الروح مطبوعه
حبيبي لو بترجع لي وتعطيني العذر بقبل
ابغفر للحبيب اللي غياب احبابه يلوعه
ومهما طول غيابك بتبقى رحمتي أطول
تأكد في شرع قلبي لك الأقلام مرفوعه
