Gant ar red

Lagad ma zour-tan ne virv ken Ha lazhet eo ma steredenn Ha setu me 'vont gant ar red A-youl avel hep stur ebet Ha setu me 'vont ma-unan Seul vui 'z an seul vui n'em gollan Ha da c'hervel a-bouez ma fenn Kaerder tremenet ma glenn Met na respont din em dispi 'Met klemm pell ar peñseidi Nemet korn boud ar bagoù-noz 'Kantren er mor du direpos 'Kantren direpos er mor don Aet int da beñse eveldon Forzh dezho klask un enezenn Pell 'zo n'eus ket anezhi ken Forzh dezho esperiñ 'n ur vro N'eus ket anezhi ken pell 'zo